Oarsoaldeak turismo-zerbitzuak indartuko ditu Aste Santuan, San Marko gotorlekua eta Oiartzungo bulegoa irekiz

2026/03/31

Eskualdea goi-denboraldirako prest dago: bi informazio-puntu garrantzitsu zabalduko dira eta doako bisita gidatuak eskainiko dira.

Aste Santua eta Pazko Astea iristearekin batera (apirilaren 2tik 12ra), Oarsoaldeak bere turismo-zerbitzuak indartuko ditu. Datorren apirilaren 2tik aurrer, bi espazio garrantzitsu irekiko ditugu berriro: San Marko gotorlekua eta Oiartzungo Turismo Bulegoa, Arizmendienea etxe-museoan..

San Marko gotorlekua: begiratokia, museoa eta familian egiteko jarduerak 

San Marko gotorlekua egunero egongo da zabalik apirilaren 2tik 6ra. Ondoren, ekainera arte, asteburu eta jai egun guztietan irekiko ditu ateak; ekainetik aurrera, berriz, udako ordutegia izango du (asteazkenetik igandera).

• Ordutegia: 10:00–14:00 eta 16:00–18:00.
• Doako bisita gidatuak: Gotorlekuaren eta haranaren historian sakontzen duten bisitak eskainiko dira. Familientzako bertsio berezi bat ere badago, haurrentzako jolas eta dinamika parte-hartzaileekin.
  • Erreserbak: 943 449 638 | turismoa@errenteria.eus.
• Aizpitarte bidegurutzean" erakusketa: Aurreko urteetan bezala Gotorlekuan Aizpitarteko haitzuloetako azken aurkikuntza paleolitikoen inguruko erakusketa bisitatu ahal izango da. Ikus-entzunezkoen eta jolasen bidez, adin guztietako publikoarentzat egokitutako gunea da.

Oiartzun: Naturarako sarbidea

Oiartzungo Turismo Bulegoa, Arizmendienea etxe-museoan dagoena, egunero egongo da zabalik apirilaren 2tik 12ra. Bertan, herriko eta eskualdeko baliabide nagusien inguruko informazioa emango da: Soinuenea herri-musikaren txokoa, Luberri geologia museoa, Arditurriko meategia eta Bide Berdea, baita Aiako Harria Parke Naturaleko mendi-ibilbideena ere.

• Ordutegia:

o Apirilaren 2tik 6ra: 09:30etik 14:30era eta 15:30etik 18:30era. 
o Apirilaren 7tik 11ra: 10:00etatik 14:00etara eta 16:00etatik 18:00etara.
o Apirilaren 12an: 10:00etatik 14:00etara.

• Arizmendienea etxe-museora bisitak: Doako bisita gidatuak eskainiko dira XX. mende hasierako euskal burgesiaren bizimodua eta etxearen historia ezagutzeko.

o Ostiraletan (11:00); larunbat eta igandeetan (10:00 eta 12:00 euskaraz; 11:00 eta 13:00 gaztelaniaz).
o Erreserbak: 943 508 913 | turismoaoiartzun@oarsoaldea.eus 

Eskualdeko zein kanpoko bisitariek Oarsoaldeko turismo-bulegoetara eta informazio-puntuetara jo dezakete opor egun hauetan zer ikusi eta zer egin deskubritzeko eta eskualdeari etekin handiena ateratzeko.

Oarsoaldeko turismo-bulegoen sarea:

• San Marko gotorlekuko informazio-gunea: 943 449 638 | turismo@errenteria.eus 
• Oiartzungo Turismo Bulegoa (Aialde, 4): 943 508 913 | turismoaoiartzun@oarsoaldea.eus 
• Errenteriako Turismo Bulegoa (Madalen, 3): 943 494 521 | turismoa@oarsoaldea.eus 
• Pasaiako Turismo Bulegoa (Donibane, 1): 943 341 556 | turismoapasaia@oarsoaldea.eus