6 ibilbide Oarsoaldeko monumentu megalitikoetan zehar: ezagutu gure ondare historikoa

Oarsoaldean aukera bikaina dugu gure arbasoen historia aberatsa esploratzeko, gure eskualdeko monumentu megalitikoetan zehar proposatzen ditugun 6 ibilbide hauek eginez. Antzinako egitura horiek, duela milaka urtekoak, gure arbasoen bizitzaren eta kulturaren ikuspegi zirraragarria eskaintzen digute.

Denboran atzera bidaia bat egingo dugu Aiako Harria Parke Naturaleko eta Lau Haizeta parkeko paisaia ikusgarrietan barrena, Errenteria eta Oiartzungo udalerrietan. Bertan, aparteko monumentu megalitikoak aurkituko ditugu, hala nola menhirrak, zistak eta trikuharriak.

Eremu honetan Euskadi osoko estazio megalitiko handienetako batzuk biltzen dira, Neolitikotik Burdin Arora bitartekoak. Antzinako egitura horien historian murgiltzeko diseinatuta dago ibilbide bakoitza, eta adin eta maila fisiko guztietako pertsonentzat dira egokiak.

Oarsoaldeko monumentu megalitikoak ezagutzeko ibilbide garrantzitsuenak hauek dira:

• AITZETAKO TXABALA
• Herria: Errenteria.
• Sarbidea: Zamalbide auzotik edo Aitzetako Txabala atsedenlekutik.
• Ikus daitezkeen monumentu megalitikoak:
• Trikuharriak: Aitzetako txabala, Berrozpin I, II eta III. Txoritokietako monolitoa.

• LANGAGORRI –AIZPITARTE HAITZULOAK
• Herria: Errenteria.
• Sarbidea: Listorreta atsedenlekutik.
• Ikus daitezkeen monumentu megalitikoak: Langagorriko monolitoa, Aizpitarte haitzuloak.

• SORONDO
• Herria: Oiartzun
• Sarbidea: Karrika auzotik Artikutzarako norabidean, GI-3631 errepidearen 7,5 km-an desbideratzea Sorondoko landara. SL-GI 1004 delakoaren zati bat da.
• Ikus daitezkeen monumentu megalitikoak: Elorritako gaina harrespila.

• EGIAR-URKULLU TXIKI EGIA
• Herria: Oiartzun.
• Sarbidea: Oiartzungo Gurutze auzotik, Aiako-Harria-Irun norabidean, GI-3454 errepideko 3,8 (Egiar) eta 5,8 (Urkullu) kilometroetan. PR-GI 1011 ibilbidea Egiarreko harrespiletik igarotzen da.
• Ikus daitezkeen monumentu megalitikoak: Egiar Urkullu harrespilak.

• OIELEKU
• Herria: Oiartzun.
• Sarbidea: Sorondokoan bezala, Karrika auzotik Artikutzarako noranzkoan iritsiko gara, GI-3631 errepidearen 12,5 kilometroan. Ibilbide honen zati bat PR-GI 1006 ibilbidetik doa.
• Ikus daitezkeen monumentu megalitikoak: Harrespilak: Kauso I, Kauso II, Munerre, Oieleku hegoa/iparra eta Arritxurieta gaña. Gainzabal trikuharria.

• BIANDITZ
• Herria: Oiartzun.
• Sarbidea: Karrika auzotik Artikutzarako norabidean, GI-3631 errepideko 14,8 km-an.
• Ikus daitezkeen monumentu megalitikoak: Arritxulangaña eta Errenga harrespilak

Ibilbide horiei buruzko informazio gehiago zabaltze aldera, eskualde osoko mapa praktiko bat argitaratu berri da proposatutako ibilbideekin, bai eta artxibo digital deskargagarri bat ere, ibilbide bakoitzari buruzko informazioarekin. Argitalpen hauek  webgunearen atal honetan eta eskualdeko turismo bulegoetan aurki daitezke.