Jantziaren Zentroa

Errenteriako Hirigune Historikoaren muinean kokatua, zaharberritutako XVII. mendeko eraikin batean, Jantziaren Zentroak, bisitariari Janzkeraren bilakaera ezagutzeko aukera eskaintzen dio.

Erakusketa iraunkorra:

35 jantziren bilduma, XVIII mendetik 1970garren urtera arte modak izan duen bilakaera ezagutzeko proposamen berezia.

Erakusketa bi solairuetan banatuta dago. Lehen pisuak 1740-1902 urte arteko modaren bilakaera azaltzen du. Armazoi edo kaiola handien garaia da, miriñakea, krinolina, eta polisoiak kortsearen laguntzaz emakumearen silueta nola aldatu zuen ikus daiteke areto horretan.

Bigarren solairuan, XX garren mendeko jantziak ikusgai. Jatorri ezberdinekoak, gehientsuenak Frantziakoak dira, baina, Erresuma Batua, Alemania, Amerikako Estatu Batuak eta Filipinetako arropa ere ikus dezakegu.

Horien artean goi joskintzako bi diseinatzaile handiek egindako hiru jantzi.

Bata, Charles Frederick Worth (1825-1895), goi joskintzaren aita izandakoaren urre koloreko gaueko-soineko distiratsua, eta belus urdinean jositako kaleko jantzi eta berokia. Bestea, Cristobal Balenciaga (1895-1972), Getariako diseinatzailearen ospakizun jantzi berezia ikusgai dugu bigarren solairuan.

Modaren historian barrena bidaia amaitzeko, etxeko ondarea ikus daiteke. Euskal Herriko sei jantzi dira. Gehientsuenak dohaintzan jasotako arropak. Hiru baserritar jantziak dira, bi Lapurdikoak, eta hirugarrena Beasaineko gizonezko Blusoia. Izabako (Erronkari) eta Atharratzeko (Zuberoa) bi emakumezko jantzi eta azkena Goizuetako (Nafarroa) ezkongai-jantzia.

Beheko solairuan ere aldi baterako erakusketa bisitatu ahal izango da:

Aldi baterako erakusketa

Kokapena

Kapitain etxea
Kapitainenea kalea, 6
20100 Errenteria

43.312919, -1.898730

Kokapena ikusi

Kontaktua

Jantziaren Zentroa
Kapitain etxea
20100 Errenteria
943494521 / turismoa@oarsoaldea.eus
943449692 / jantziarenzentroa@errenteria.eus
www.jantziarenzentroa.eus 

Datu interesgarriak:

Ordutegia:

Larunbatak 11:00-14:00 / 17:00-20:00
Igande eta Jai egunak 11:00-14:00
*Itxita: Urtarrilak 1 eta 6, Maiatzak 1, eta Abenduak 25. 2023an, urtarrilaren 10etik 20ra arte itxita egongo da erakusketa aldaketagatik).

Tarifak:

• Sarrera librea: 4 € pertsonako. 5 urtetik beherakoak dohainik. Hilabeteko lehen igandeetan, sarrera doan izango da.
• Aldez erreserbaturiko Bisita Gidatua: 7 € (pentsiodunak 6 €). Gutxieneko taldea 6 lagun. 
• Ikastetxeak: Bisita gidatua: 80 €/taldea.  

 Eskualdeko museoak bisitatzeko abantailen esku-orria