- Hasiera
- Ezagutu gure lurra
- Gure museoak
- Gure museoak Gipuzkoan
GURE MUSEOAK GIPUZKOAN
Errenteria, Lezo, Oiartzun eta Pasaiako museoak bisitatu nahi badituzu, orain bi aukera abantailaz beteta dituzu:
1. Eskualdeko museoak bisitatzeko abantailen esku-orria:
6 museo dira guztira ekimenean parte hartzen dutenak
: Arditurri meategia, Luberri geologia museoa eta Soinuenea, herri musikaren txokoa Oiartzunen; Jantziaren Zentroa Errenterian, eta Albaola Itsas Kultur Faktoria eta Mater ontzi museo Ekoaktiboa Pasaian.
Promozio berri honi esker, hauetako museo bat bisitatuz gero, eskualdeko museoak prezio murriztuan bisitatzeko aukera izango duzu.
Eskura ezazu esku-orri hau doan gure turismo bulegoetan edo aipatutako museoetan!
2. Eskualdeko museoen bonoa:
Errenteria, Lezo, Oiartzun eta Pasaiako museoak txartel bakarrarekin eta erdi prezioan
Eskualdean kokatzen diren zortzi museoek txartel bakarra sortu dute, eskualdeko museoak sarrera bakarrarekin eta erdi prezioan bisitatzeko aukera emanez.
Horrela, txartel hau erosiz urte beteko epean eskualdeko museo guztiak bisita daitezke. Aiako Harria Parke Naturalean hasi eta Pasaiako badiaraino, lurraren eta itsasoaren doinuan dantzan
ibili gaitezke eskualde honetako altxor preziatuenak ezagutuz. Bono hau eskualdeko museoetan erosi daiteke.
Errenteria
Jantziaren Zentroa
Janzkeraren mendez mendeko bilakaera ezagutzeko parada eskeintzen dio bisitariari nahiz modaren historia eta janzkera usadioen bilakaera Euskal Herrian.
San Marko Gotorlekua
XIX mendetako gotorleku hau, museoa izateaz gain eskualdeko begiratoki nagusia da.
Oiartzun
Arditurri meategia
Aztarnategi arkeologiko erromatarra Aiako Harria Parke Naturaleko sarbideetako batean.
Luberri, Euskal Herriko Geologia Museoa
Oiartzungo bailararen, eskualdearen eta Aiako Harria Parke Naturalaren aberastasun geologikoa eta paleontologikoa ezagutuko ditugu.
Arizmendienea Etxe Museoa
1759. urtean eraikita, etxea hau XVIII eta XIX. mendeetako Gipuzkoako klase ahaltsuen bizimoduaren eredu garbia da.
Soinuenea, Herri Musikaren Txokoa
Gure musika tresna tradizionalen bidez, euskal kulturan guztiz mulgiltzen zaitu Herri Musikaren txoko honek.
Pasaia
Albaola Itsas Kultur Faktoria
Euskal itsas teknologia berreskuratzeko eta dagokion balioa emateko sortzen den espezio berritzailea da, eta itsasontzi historikoen eraikuntza da bertako jardueren ardatza.
Mater ontzi museo ekoaktiboa
MATER ontzia bisitatzen duenak, gure arrantzaleak nola bizi diren, zein arrantzalekuetara joaten diren eta erabiltzen dituzten arteei buruzko informazioa jasoko du.
Victor Hugo Etxea
Pasaiako etxe tipikoa da eta Badiarako zuzeneko bidea du. XVII. mendean eraiki zen eta Victor Hugok 1843an Pasaian egindako egonaldian bertan hartu zuen ostatu.
Oharra: gaur egun museoa itxita dago
