Carrusel Interior img01 Carrusel Interior img02 Carrusel Interior img03 Carrusel Interior img04 Carrusel Interior img05 Carrusel Interior img06 Carrusel Interior img07 Carrusel Interior img08 Carrusel Interior img09

Santa Isabel Gaztelua

Santa Isabel gaztelua Pasai Donibanen dago. Pasaiako portua babesteko 1621ean eraiki zen gotorlekua da.

Santa Isabelen gotorlekua eraikitzen hasi zenean, lursail berean errota zaharra (Churrutella-errota) zegoen. Hori 1450ean eraiki zuten Hondarribiako udalerriak utzitako lursailean. Gaur egun hondarrak besterik geratzen ez badira ere, baina Carlos I enperadorearen aginduz eraiki zen gaztelua, portua atzerriko guda-itsasontzietatik edo pirata-itsasontzietatik babesteko, herritik hurbil mugitzen baitziren. Halaber, berak agindu zuen orain dela gutxira arte San Pedron izan den dorrea eraikitzea. Lehenengo hori altxa zen eta Santa Isabelen gaztelua Felipe IV.aren garaian amaitu zen. Gazteluak kanoiak zituen portuaren bokalerantz begira eta portuaren muga zeharkatzera ausartzen ziren inbaditzaileak mehatxatzen zituen.

Suek oso ondo defendatu eta bideratzen zuten portuaren sarrera, baina ezin zituzten babestu bertan gorde nahi izaten zuten itsasontziak, bertaraino jarraituak izan baitzitezkeen, Arando Handiak (Pasai Donibanen) eta Arando Txikiak (San Pedron) artilleriaren erasotik babestu ahal zituzten arte.

Santa Isabelen gotorlekua ia ezin zitekeen eraso itsasoz, baina lehorrez nahiz eta erasoa txikia izan, ezin zezakeen ezerk defenda. Hala, 1638an Conde printzearen tropak Jaizkibel menditik jaitsi ziren eta Santa Isabel gaztelua oso erraz menderatu zuten.

Gotorlekuak bere zereginak egiteari 1867an utzi zion. Porturako sarreraren ubidea hobetzeko, XX. mendearen lehenengo erdian egindako lanetan artilleriako plataforma suntsitu egin zuten eta gotorlekuari elementu nagusia kendu zioten.

Santa Isabel gazteluaren edo gotorlekuaren zenbait hondar ondo kontserbatu da eta mendiaren kontra moztuta ageri dira, are gehiago, zimenduak arrokan murgilduta daude. Gotorlekuaren itxura galdu du eta gaur horma sendoak besterik ez daude. Hareharri-harlanduzkoak dira. Gutxi gorabehera bi metroko zabalera dute. Gainera, dorre isolaturen bat ere ageri da. Hormak erabat itsuak dira eta toki batzuetan oso altuak dira. Gotorlekuaren barruan etxebizitza partikularra eraiki da.

modulo eus