Jantziaren Zentroa

Errenteriako Hirigune Historikoaren muinean kokatua, zaharberritutako XVII. mendeko eraikin batean, Jantziaren Zentroak, bisitariari Janzkeraren bilakaera ezagutzeko aukera eskaintzen dio.

Erakusketa iraunkorra:

"Modaren Urrezko garaia-Goi mailako joskintzatik prêt-à-porter-era (1930-1970)"

2023.01.21 – 2023.05.28

Jantziaren Zentroaren erakusketa iraunkor berriak XX garren mendera garamatza. Hain zuzen ere, 1930-1970 urte arteko emakumezko 40 jantzi ikus daitezke bi solairuetan banatuta. Guztiak goi joskintzako diseinatzaile espainiar ospetsuek sortuak dira, besteak beste: Asunción Bastida, Elio Berhanyer, Pedro Rodriguez...27 diseinatzaile, guztiak Cristobal Balenciaga maisu handiaren itzalean, estatu espainiarrean, 50 garren hamarkadan, goi joskintzaren urrezko garaian lanean aritu ziren.

"Modaren Urrezko garaia-Goi mailako joskintzatik prêt-à-porter-era (1930-1970)" izeneko erakusketa, Pedro Usabiaga moda argazkilari donostiar ezagunaren proposamena da, berak antolatu du erakusketa propio Jantziaren Zentrorako, bere bilduma pribatuko jantzi eta objetuekin osatuz.

Pedro Usabiaga (Donostia, 1959) moda munduko euskal argazkilari ezaguna da. Diseinatzaile ospetsu ugarirekin egin du lan, besteak beste: Jean Paul Gaultier, Nino Cerruti eta Juanjo Rocafort. Bere argazkiak modako aldizkari entzutetsuenetan argitaratu dira; Elle, Vogue edo Cosmopolitan. Argaki-kamera aurrean izan ditu: Iman, Linda Evangelista top modelak zein Sharon Stone, Richard Gere, Brad Pitt, aktoreak.

2020. urteaz geroztik, moda ardatz hartuta erakusketa ugari antolatu ditu.

Sarrerako aretoan oihalgintzarekin zer ikusia duten behin behineko erakusketak doan eskaintzen dira, honakoa jantzien munduarekin zerikusia duten talde edo artisauentzako espazio bat da.

Aldi baterako erakusketa

Kokapena

Kapitain etxea
Kapitainenea kalea, 6
20100 Errenteria

43.312919, -1.898730

Kokapena ikusi

Kontaktua

Jantziaren Zentroa
Kapitain etxea
20100 Errenteria
943494521 / turismoa@oarsoaldea.eus
943449692 / jantziarenzentroa@errenteria.eus
www.jantziarenzentroa.eus 

Datu interesgarriak:

Ordutegia:

Larunbatak 11:00-14:00 / 17:00-20:00
Igande eta Jai egunak 11:00-14:00
*Itxita: Urtarrilak 1 eta 6, Maiatzak 1, eta Abenduak 25. 2023an, urtarrilaren 10etik 20ra arte itxita egongo da erakusketa aldaketagatik).

Tarifak:

• Sarrera librea: 3 € pertsonako. 5 urtetik beherakoak dohainik. Hilabeteko lehen igandeetan, sarrera doan izango da (2023 urtean zehar).
• Aldez erreserbaturiko Bisita Gidatua: 7 € (pentsiodunak 6 €). Gutxieneko taldea 6 lagun. 
• Ikastetxeak: Bisita gidatua: 75 €/taldea. 

Victor Hugo Etxea

Oharra: Obrak direla eta Victor Hugo etxea momentu honetan itxita dago.

Pasaiako etxe tipikoa da eta Badiarako zuzeneko bidea du. XVII. mendean eraiki zen eta Victor Hugok 1843an Pasaian egindako egonaldian bertan hartu zuen ostatu.

Victor Hugo liluratu zuen hemeretzigarren mendeko Pasaiaren esentziaz gozatuko dugu "Victor Hugo, oroimenera bidaia" erakusketari esker. Merezitako omenaldia, Hugok utzitako marrazki eta idazlan baliotsuei ez ezik, historian zehar idazle bikain honen omenez beren aztarna utzi duten haiei ere bai.

Hiru solairuetan dauden edozein balkoi korritutatik Victor Hugo inspiratu zuen badia bera ikusteko aukera izango dugu. Horri erreparatuz idatzi zituen Pasaian izandako egonaldiko idatziak eta grabatuak. Pasaiak Victor Hugo txundituta utzi zuen eta Pasaiarekin maitemindu egin zen. Utz iezaiozu gida izaten eta hurbil zaitez Pasaiaren erromantizismoa bizitzera.

Victor Hugoren etxean hurrengoa aurkituko dugu:

• Turismo Bulegoa
• Museo-aretoa: "Victor Hugo, oroimenera bidaia" erakusketa iraunkorra. Erakusketa honek, Victor Hugo etxea lehen aldiz 1902an ireki zenez geroztik urte guzti hauetan zehar bertakoak izan diren hainbat elementu errekuperatu eta biltzen ditu. Honetaz gain, "Victor Hugo izeneko gida turistikoa" ikus-entzunezkoa erabilgarri dago, eta honi esker, Hugoren ikuspegitik XIX. Pasaia ezagutuko dugu eta baita idazleak ostatu hartu zuen gelaren birsorpena, non idazleak hango bizimodua kontatzen digun.
• Aldi baterako erakusketa-aretoa.

Kokapena

Donibane, 63
20110 Pasai Donibane

Pasaiaren erdi-erdian dago, Donibanen (San Juanen) alegia. Bizkaiko auzoko tximiniatik abiatuta, “toki guztietara eramaten zaituen kale bakarraren” (Victor Hugo) bigarren arkuan aurki dezakegu. San Pedrotik itsasontziz iritsiz gero, lehenengo pasabidearen amaieran dago. Victor Hugok bertara iristeko bigarren aukera hautatu zuen.

43.325876,-1.919839

Ikusi kokapena

Kontaktua

Datu interesgarriak

Informazio gehiago

Bisita Gidatuak

San Marko Gotorlekua, Oarsoaldeko begiratokia

San Marko Gotorlekua pribilegiozko tokian kokatuta dago, Donostiatik 10 kilometro baino gutxiagora, naturan peto-peto murgildua. Zalantzarik gabe, Oarsoaldeko begiratoki nagusia da. Bere kokapena ezin hobea dela eta, gipuzkoar kostaldeko behatoki garrantzitsua eta pribilegiatua da, bertatik Kontxako , Pasaiako eta Txingudiko badiak ikus daitezkeelarik.
Bizarain mendian kokatutako eraikuntza militar bat da, 260 metroko altueran, XIX. Mendean eraiki zen Errenteria defendatzeko. Gaur egun ez du erabilpen militarrik; armadak 1970 urtea arte okupatu zuen, eta egun Lau Haizeta parkean integratuta dago, ekipamendu ludiko eta kultural bezala.

Ezagutu bere sekretuak

Ezagutu ezazu gotorleku militar baten azpiegitura miatzeak sortzen duen sentsazioa, gaur egunera arte publikoarentzat itxita zeuden hainbat gunetan barrena ibiliz. Ezagutu ezazu eraikuntzaren historia, eta 100 urte atzera egin ahal izango duzu. Zabaldu begiak harridurari igogailu panoramikotik begien bistan izango duzun paisaia txundigarriaren aurrean.

Hamaika aukera

1. Bisita ezazu San Markoseko Gune Ludiko-Kulturala, bere ondarea eta Lau Haizeta parkearen paisaia
2. Ibil zaitez San Markoseko eta Txoritokietako gotorlekuak inguratzen dituzten bide balizatuetan barrena
3. Atseden hartu piknik gunean eta haur - parkean.

Lau Haizeta Parkea

Ez ahaztu Lau Haizeta Parkeari bisita egitea; San Markoseko Gotorlekuaz gain, ondoan dagoen Txoritokietako Gotorlekua ezagutzeko aukera izango duzu. Gainera, parkearen hainbat bideetan barrena ibiliz, monumento megalitikoen hondakinak aurkituko dituzu; hala nola Berrozpinekoak, Txoritokietako Monolitoa eta Aitzetako Txabalako Trikuharria.

Bisitatzeko

• Harrera / informazio turistiko puntua: gotorlekuko gela bat bisitariari arreta emateko harrera bezala egokitu da, bertan Errenteria eta Oarsoaldea Eskualdeko informazio turistikoa ere eskaintzen delarik.
• Beheko Obra: Ondorengo espazioetan gotorlekuko jarduera militarra birsortu da, bertan hainbat erreplika ezarriz: metrailadoreak, kanoiak, soldaduak, artilleria, etab. Gainera, bisitariak ikusten ari denari buruzko informazioa izango du, espazio bakoitzean hizkuntza ezberdinetan jarritako informazio-panelei esker.

• Batería a Barbeta Kaponera
• Erdi kaponera
• Su kurboen bateria
• Barbeta bateria

Zerbitzuak

• Aparlekua: Plaza mugatuak

Kokapena

San Marko Gotorlekua
San Marko bidea, z/g
20100 Errenteria

43.297948,-1.913939

Ikusi kokapena

Kontaktua

Datu interesgarriak

Informazio gehiago

Arizmendienea Etxe Museoa

Oiartzungo Elizalde auzoaren erdigunean kokaturik, Urdinola-Arizmendienea etxea XX. mende hasierako euskal burgesiaren oporretako etxebizitzaren adibide argia da. XVIII. mendeko eraikina izan arren, bere egitura eta estetika eraberrituak izan ziren familia berriaren (Arrizmenditarren) gustu eta beharretara egokitzeko. Bere tipologia berezia eta kontserbazio-egoera bikaina direla eta, Interes Bereziko Ondare izendatu zuten 2020an.

Etxe Museo hau bisitzen dugun bitartean, garaiko bizimoduetan eta esperientzietan murgilduko gara. Gelaz gela, atzera bidaiatuko gara denboran, garaiko portaera sozialak ulertzeko, eta eguneroko bizitzaren ezaugarriak eta historiaren hainbat pasarte ezagutzeko, besteak beste, mugimendu nazionalista eta Emakume Abertzaleon Batza (euskal emakume nazionalistak), Gerra Zibilaren hasiera eta Angel Arizmendiren ondorengo fusilamendua.

Lorategiaz gain (gaur egun publikoa dena) eta bere hiru solairuetan banaturik dituen gela ezberdinez gain, etxearen beheko solairuan Oiartzungo Turismo bulegoa kokatzen da.

Kokapena

Aialde, 4. Elizalde
20180 Oiartzun

Ikusi kokapena

Kontaktua

Datu interesgarriak

Etxe museoaren xehetasun guztiak ezagutzeko, bisita gidatuak egiteko aukera dago. Bisita guztiak doakoak dira. Erreserba egitea beharrezkoa da.

Bisita gidatuak:

• Gehienez 9 pertsona talde bakoitzeko.
• Gutxienez 2 pertsona.
• Aste Santua*** eta uztaila eta abuztuan: Larunbata eta igande goizean. Txandak (10:00/12:00 Euskaraz, 11:00/ 13:00 Gazteleraz). ***Aste Santua 2023. Apirilak 7 eta 14, ostirala, 12:00etan ere. Erreserbak: Oiartzungo Turismo Bulegoa / +34 943 508 913 / turismoaoiartzun@oarsoaldea.eus 
• Bisitak gainontzeko urtean zehar: Larunbatetan 12:00etan. Erreserbak: Errenteriako Turismo Bulegoa /+34 943 494 521 /   turismoa@oarsoaldea.eus