Oiartzungo Udaletxea

Oiartzungo Elizalde auzoan kokatuta dago. Oiartzungo udaletxearen eraikina Nicolas de Zumeta maisuak eraiki zuen 1678. urtean. Eraikin barrokoa da eta harlanduz egina dago. Oinplano laukia du eta teilatu-hegalak lau isurialde ditu. Euskal udaletxeen tipologia du. Beheko solairuan oso atari zabala dago eta bost arku ditu. Fatxada nagusia aipatu arkuen gainean eutsia dago.

Fatxada nagusia harlanduzkoa da eta oso ondo landua dago. Iparralderantz begira ageri da eta erdian balkoia du. Hau babesten beste bi balkoi ikus daitezke. Hirurek burdin forjatuzko baranda dute eta, goiko aldean, fatxadaren bi aldeetan, bailarako armarriak daude. Kantabriako Laincera aita-semeek eginak dira.