Carrusel Interior img01 Carrusel Interior img02 Carrusel Interior img03 Carrusel Interior img04 Carrusel Interior img05 Carrusel Interior img06 Carrusel Interior img07 Carrusel Interior img08 Carrusel Interior img09
  • Hasiera
  • Informazio praktikoa
  • Gaurkotasuna
  • Berriak
  • Ezinbesteko 8 museo, Donostiatik 5 minutura. Hauek bisitatzeko modurik onena ezagutzen duzu? Sarrera-bono bat dago guztiak ikusteko.

Ezinbesteko 8 museo, Donostiatik 5 minutura. Hauek bisitatzeko modurik onena ezagutzen duzu? Sarrera-bono bat dago guztiak ikusteko.

Oarsoaldea eskualdeko museoek, museo-bono bat diseinatu dute erdi prezioan guztiak bisitatu ahal izateko.Errenteriako, Oiartzungo eta Pasaiako museoetara sartzeko aukera ematen dizu Oarsoaldeko museoen bonoak. Prezioa, non eskuratu, museo parte-hartzaileak... jakin beharreko guztia kontatzen dizugu jarraian.

Ba al zenekien Oarsoaldea eskualdean, Donostiatik 5 minutura, gai ezberdinak jorratzen dituzten 8 museo daudela? Itsaso-kultura, natura, antzinako jantziak, geologia, herri musika... Gure kulturari eta nortasunari balioa emateko lanean dihardute guztiak. Ezinbestekoa da hauek bisitatzea gure historia hobeto ezagutzeko.

banner 8 museo

Museo hauek bisitatzeko modurik onena Oarsoaldeko museoen bonoa eskuratzea da. 12.50€-ren truke, bono honek eskualdeko 8 museoetara sartzeko aukera ematen dizu, urtebeteko epean. Era honetan, ekipamendu hauetara bisita erdi prezioan egin daiteke.

Oarsoaldeko museoak beraien dinamismoagatik bereizten dira, eta antolatzen dituzten tailer, erakusketa eta esperientzien eskaintza maiz aldatzen joaten direnez, edozein unetan kontsumitu daitekeen aisialdi aukera paregabea da.

Leku gutxitan aurki daiteke museo-eskaintza hain zabala. Izan ere, oso kilometro gutxiren barruan, euskal kulturara hurbildu, hau interpretatu eta honekin ikasteko aukera ematen diguten mota anitzeko museoak daude: itsaso-ondarea, herri-musika, janzkera edo eta naturaren inguruan, besteak beste.

Museo parte-hartzaileak:

Arditurriko Meatze Gunea (Oiartzun):  Interpretazio Zentroa eta oinarrizko bisita erromatar garaitik ustiatuak izan diren meategi entzutetsuetan.

Luberri, Euskal Herriko Geologia Museoa (Oiartzun): Oiartzun bailarako, Oarsoaldeko eta Aiako Harria Parke Naturaleko harri, mineral eta fosilen erakusketa.

Soinuenea, Herri Musikaren Txokoa (Oiartzun): Euskal Herriko eta mundu osoko herri musikan erabiltzen diren 400 musika tresnen erakusketa, eta dokumentazio Zentroa.

San Marko Gotorlekua (Errenteria): Bonoarekin, behatoki paregabe batean kokatzen den XIX. Mendeko gotorleku hau bisitatu daiteke, behe solairua eta lubanarroa barne.

Jantziaren Zentroa (Errenteria): Euskal Herriko garai desberdinetako 300 jantzi original baino gehiagorekin, euskal jantzien bilduma handiena da.

Victor Hugo Etxea (Pasai Donibane):  Idazle honek ostatu hartu zuen etxean bertan, bere idatzi eta marrazkien bidez, XIX. Mendeko Pasaiaren testigantza.

Mater ontzi-museoa (Pasai San Pedro):  Arrantza tradizionalaren eta itsasoaren kontserbazioaren inguruko ur-gaineko museoa.

Albaola, Itsas Kultur Faktoria (Pasai San Pedro): Euskal itsaso-ondarearen zentroa. Zuzenean ikusi daitezke XVI. mendeko San Juan baleontziaren eraikuntza-lanak.

Prezioa

Museoen bonoa era honetan soilik saltzen da: urte beteko epean erabili daiteke, transferigarria da, eta 12,50€ko prezioa du.

Non eskuratu daiteke?

Oarsoaldeko museoen bonoa Errenteriako eta Pasaiako Turismo Bulegoetan, eta museo parte-hartzaileetan eskura daiteke.

Errenteriako Turismo Bulegoa
Madalen, 3. 943 494 521
turismoa@oarsoaldea.eus

Pasaiako Turismo Bulegoa
Donibane, 63. 943 341 556
turismoapasaia@oarsoaldea.eus

 

IRUDIA MUSEOEN BONOA

Oarsoaldea

Errenteriako Turismo Bulegoa

Madalen kalea 3. 20100 Errenteria
0034 943 494 521

Laguntzaileak

 

Euskadi basque country Eusko Jauralitza - Gobierno Vasco

 

Explore San Sebastian region

Kontatu zure esperientzia eta web orrian jarriko dugu