Carrusel Interior img01 Carrusel Interior img02 Carrusel Interior img03 Carrusel Interior img04 Carrusel Interior img05 Carrusel Interior img06 Carrusel Interior img07 Carrusel Interior img08 Carrusel Interior img09

Oiartzungo Turismo Bulegoaren irekiera

Jexux Leonet, Oiartzungo alkate eta Oarsoaldea Garapen Agentziaren lehendakariak jakinarazi duenez, Oiartzungo Turismo Bulegoadatorren apirilaren 13an zabalduko da eta apirilaren 23 arte egongo da irekita.

Oiartzungo Turismo Bulegoaren irekiera 2017

Honela, Oiartzun ezagutzera etortzen diren bisitariek behar duten informazio guztia jaso ahal izango dute Doneztebe plazan bertan kokatua dagoen bulegoan, Fermiñene eraikinean hain zuzen (Aialde, 2). Egun hauetan turismo bulegoak izango duen arreta-ordutegia honakoa izango da: egunero 10.00etatik 14:00etara eta 16:00etatik 19:00etara.


Oiartzunek bisitariarentzako eskaintza zabala du. Bere hiru museoez gain (Soinuenea- Herri Musikaren Txokoa, Luberri- Ikasgune Geologikoa eta Arditurri Meatze Gunea), Aiako Harria Parke Naturalaren barruan ibilbide homologatu ugari egin daitezke. Gainera, Parke Naturalaren barruan, multzo megalitiko ugari aurki ditzakegu eta oso erraza da hauetara iristea. Hauen artean Sorondo, Egiar, Oieleku eta Bianditzeko ibilbideak ditugu. Eta Parke Naturalaren barruan beste aukera bat Bidasoako Kontrabandisten ibilbidea dugu. Ibilbide zirkular hau, XX. mendearen erdialdean kontrabandorako igarobide garrantzitsuak izan ziren hainbat mendi bidexkatan barna doa, eta Oiartzunen Arritxulo aterpea geldiunetako bat da. Bizikletaz zein oinez egin daiteke.


Beste ibilbide interesgarria eta erraza Arditurriko Bide Berdea da. Bere 7 kilometroetan zehar Oiartzun ibaiaren parean doa, eta ez dauka inolako zailtasunik. Oinezkoentzat, txirrindularientzat edo patinatzaileentzat egokia da, eta horrez gain, ibilbidea Donostian hasi eta Arditurri meatze gunean bukatu daiteke.


Honek guztiak, gastronomia eta ostatu eskaintza zabalarekin batera, (1.110 leku: 4 hotel batetik lau izarretara, pentsio 1, 5 nekazalturismo, 3 landetxe, kanping bat eta mendi aterpe bat), Oiartzun erakargarria egiten du turistentzat, eskualde osoa, Donostia edota Gipuzkoa osoa bisitatzeko abiapuntu aproposa baita.

943 508 913 / turismoa@oarsoaldea.eus

www.oarsoaldeaturismoa.eus

 

Oarsoaldea

Errenteriako Turismo Bulegoa

Madalen kalea 3. 20100 Errenteria
0034 943 494 521

Laguntzaileak

 

Euskadi basque country Eusko Jauralitza - Gobierno Vasco

 

Explore San Sebastian region

Kontatu zure esperientzia eta web orrian jarriko dugu