Carrusel Interior img01 Carrusel Interior img02 Carrusel Interior img03 Carrusel Interior img04 Carrusel Interior img05 Carrusel Interior img06 Carrusel Interior img07 Carrusel Interior img08 Carrusel Interior img09

San Marko Gotorlekua, eskualdearen behatokia

San Marko Gotorlekua, eskualdearen behatokia  San Marko Gotorlekua, eskualdearen behatokia

San Marko Gotorlekua pribilegiozko tokian kokatuta dago, Donostiatik 10 kilometro baino gutxira, naturan peto-peto murgildua. Zalantzarik gabe, Oarsoaldeko begiratoki nagusia da.

Leku oso egokia da haurrekin eta lagunekin eguna pasatzeko, bai oinez, bai zaldiz, bai mountain-biken paseatzeko ere. Eguraldi ona egiten duenean kanpoaldean egoteko oso aproposa da, eta egun euritsuetan berrehun urte inguru duten harripetan babesteko ere, ia 2 metro lodiera duten hormak ditu-eta.

Luis Nieva ingeniariak diseinatu zuen beste matxinada karlista baten mehatxuari aurre egiteko, eta gotorlekua 1888ko abuztuaren 25ean inauguratu zen. Pasaiako portua, Frantziako mugako errepide eta trenbide komunikazioek eta Gipuzkoako hiribururako bideak osatzen zuten zonalde estrategikoa defendatzeko helburuarekin eraiki zen. Gotorleku honek, Txoritokieta eta Guadalupeko gotorlekuekin batera, Oiartzungo Eremu Lubakitua delakoa osatzen zuen. San Marko Gotorlekua ekialderantz eraiki zen, mugatik etor zitezkeen erasoen aurka egiteko. Halaber, eraso hauek ez ziren inoiz heldu.

Gaur egun ez du erabilpen militarrik; armadak 1970 urte arte okupatu zuen, eta egun Lau Haizeta parkean integratuta dago, ekipamendu ludiko eta kultural bezala. Bere kokapena ezin hobea dela eta, gipuzkoar kostaldeko behatoki garrantzitsua eta pribilegiatua da, bertatik Kontxako , Pasaiako eta Txingudiko badiak ikus daitezkeelarik.

Gotorlekua oso ondo mantenduta dago eta lubanarroan, Armen Patioan, zubi altxagarrian eta goiko terrazan egindako zaharberritze lanei esker, bisitariak gotorlekuaz bisitatzeko eta gozatzeko aukera izango du, militarrek 1888. urtean egin zuten bezala.

Gainera, azkeneko urteetan Museografia eta Museologia Proiektua gauzatu da, San Marko gotorlekuaren berezko jarduera birsortzeko ideiarekin. Honela, XXI mendeko bisitaria denbora atzera egiteko aukera izango du, XIX mendera hurbillduz.

Bisitatzeko

  • Harrera / informazio turistiko puntua: gotorlekuko gela bat bisitariari arreta emateko harrera bezala egokitu da, bertan Errenteria eta Oarsoaldea Eskualdeko informazio turistikoa ere eskainiko delarik. Gainera Oarsoaldea Eskualdea interpretatzeko maketa dago.
  • Beheko Obra: Ondorengo espazioetan gotorlekuko jarduera militarra birsortu da, bertan hainbat erreplika ezarriz: metrailadoreak, kanoiak, soldaduak, artilleria, etab. Gainera, bisitariak ikusten ari denari buruzko informazioa izango du, espazio bakoitzean hizkuntza ezberdinetan jarritako informazio-panelei esker.
    • Kaponera
    • Erdi kaponera
    • Su kurboen bateria
    • Barbeta bateria
  • Erakusketa gela: Gotorlekuaren bateria kasamatadunean, aldi baterako erakusketak egiteko egokitu da.
  • Terraza:
    • Panel Panoramiko bat non Oarsoaldea eskualdea islaturik agertzen den eta bisitariak aurrean ikusten duen paisaia ikus dezake bere bidaia beste baliabide eta leku interesgarrietan barrena jarraitzeko aukera emanez.

San Marko Gotorlekuak zerbitzu hauek ere eskaintzen ditu:

  • Jatetxea: San Marko Gotorlekuak jatetxea du, non eguneko nahiz asteburuko menu zoragarriak dasta daitezke. Halaber, janari goxoa aukera daiteke kartan. Tel.: 943 522 271.
  • Zerbitzua enpresei: VIP jangela izateaz gainera, San Marko Gotorlekuak areto desberdinak ditu bilerak egin eta hitzaldiak emateko:
    • Gela 1: Zaingoaren Gorputza izeneko gelak 12,80 x 4,77 m. ditu eta gotorlekuaren sarreran bertan kokatzen da.
    • Gela 2: Goletako Kuartela izenarekin ezagututako gela honek 2 gune ditu, batak 6,17 X 6,50 m ditu eta besteak 5,67 X 6,50 m. Sarreran bertan ere kokatuak eta jatetxearekin komunikatuak, leku ezin hobea da talde murriztuen bileretarako. Hamaiketako edo atsedenetarako gela pribatua du.
    • Gela 3: Areto nagusia edo Zaingoaren Gorputza. Neurri handiko aretoa (400 m2. inguru) azokak, aurkezpen handiak, ikuskizunak,etab..ospatzeko leku aproposa. 100, 200, eta 500 pertsonentzako bana daiteke.
  • Parking propioa. Plaza mugatuak.
  • San Marko egunaren ospakizuna: apirilaren 25ean San Marko eguna ospatzen da eta eskualdeko biztanleentzat egun horrek xarma berezia du. Hain egun esangarrian pasteltxo bereziak (opilak) prestatzen dira eta amabitxiek seme besoetako ezkongabeei oparitzen dizkiete. Halaber, gotorlekuan erromeria ospatzen da.

  • Errenteria-2643.jpg
  • Errenteria, San Marko Gotorlekua-eskualdearen behatokia
  • Errenteria, San Marko Gotorlekua-eskualdearen behatokia
  • Errenteria, San Marko Gotorlekua-eskualdearen behatokia

Kokapena

San Marko Gotorlekua
San Marko bidea, z/g
20100 Errenteria

43.297948,-1.913939

Ikusi kokapena

Kontaktua

San Marko Gotorlekuaren Informazio Puntua
San Marko bidea, z/g
20100 Errenteria (Gipuzkoa)

Tel..: (00 34) 943 449 638
turismo@errenteria.net

 

Datu interesgarriak

Gotorlekua-Museoa eta San Marko Gotorlekuaren Informazio Puntua:

Denboraldi altuan bakarrik irekita asteazkenetik igandera: 11:00-14:00 / 16:00-18:00.

Jatetxea:

Egunero irekita.
Neguko ordutegia
:
Astelehenetik ostegunera: 09:00-18:00
Ostiral eta larunbatak: 09:00-01:00
Igandeak: 09:00-20:00
Udako ordutegia
:
Astelehenetik ostegunera eta igandeak: 09:00-20:00
Ostiral eta larunbatak: 09:00-24:00

Oharra: itxiera-ordutegia gutxi gorabeherakoa da.

Tarifak:

Museoa:
Bisita librea: doan. (Museoa denboraldi altuan bakarrik irekita)

Bisita gidatuak taldeentzat: aldez aurretik hitzartuta 0034 943 449 638.

 

7 museo=11€

Informazio gehiago

7 Museo = 11€

Oarsoaldea

Errenteriako Turismo Bulegoa

Madalen kalea 3. 20100 Errenteria
0034 943 494 521

Laguntzaileak

 

Euskadi basque country Eusko Jauralitza - Gobierno Vasco

 

Explore San Sebastian region

Kontatu zure esperientzia eta web orrian jarriko dugu