Carrusel Interior img01 Carrusel Interior img02 Carrusel Interior img03 Carrusel Interior img04 Carrusel Interior img05 Carrusel Interior img06 Carrusel Interior img07 Carrusel Interior img08 Carrusel Interior img09

Marinel eguna Pasaian

Itsasoak erakartzen zaitu? Orain, arrantzaleei laguntzeko eta haien arteak ezagutzeko aukera izango duzu. Arrantza-ontzi batean ibiliko zara, Kantauri itsasoko ur emankorretan, arrain bila, eta gero arrain lonjak, kofradiak, kaiak eta itsasargiak... bisitatuko dituzu. Euskal Herriko marinelen kulturaz zipriztinduko zara: kresala, eguzkia eta askatasuna.

Marinel eguna Pasaian  Marinel eguna Pasaian

Busti zaitez euskal marinelen kulturaz penintsularen iparraldeko portu garrantzitsuenetako batean, Pasaiako portuan. Berezko orografiak aterpe naturala eskaini dio portuari Kantauri itsasoaren oldarkortasunetik babesteko. Sarbide naturala hain da estua, ezen, ezinezkoa baitirudi itsasontzi handiak han kabitzea.

1. aukera

Pasaiako arrantzaleen artean egun bat igarotzeko gonbita egin nahi dizugu. Hasteko, ibilalditxo bat egingo dugu arrantza-portuan, arrantzale batek gidaturik: arrain merkatua bisitatuko dugu –astelehenetik ostiralera dago irekita– eta Mater ontzi-museoa joango gara, euskaldunek, tradizioz, hegaluzea nola arrantzatu duten ikusteko. Hemen, eskuz arrantza lanak egitearen sekretuak ez ezik, arrantzaleen bizi erritmo berezia ezagutuko duzu. Itsasontzi tradizional honen ezaugarri bakanak begiesten dituzun bitartean, har ezazu itsas aperitibo bat eta, ondoren, bisita ezazu Albaola - Itsas Kultur Faktoria. Balio etnografiko handiko 30 itsasontzi baino gehiagok –horietako batzuk zaharberritze prozesuan daude– osatzen dute erakusketa. Leku ezin hobea da tradiziozko itsasontzigintzan murgildu nahi baduzu.

Jatetxera bidean, traineruak eta batelak izango dituzu ikusgai arraunketa elkartean eta arraunean aritzeko modua ere izango duzu, entrenamendu-hobian.

Badiara bistak dituen jatetxe batean bazkaldu ondoren, bisita gidatu bat proposatzen dizugu Pasaia Donibanen, non Victor Hugoren museo etxeaz gozatzeko aukera izango baituzu. Frantses idazle ospetsu hau txoraturik geratu zen Pasaiarekin eta haren idatziak lagungarri izango zaizkigu XIX. mendeko Pasaia hura ezagutzeko.

Ondoren, ibilalditxo bat egingo dugu barku txiki batean, badiako ur lasaietan, eta portuko sarbidearen eta inguruan dituen itsaslabarren xarma naturala begietsi ahal izango dugu. Amaitzeko, Pasaia San Pedron lehorreratuko gara, non Blas Lezokoa itsasgizon ospetsuaren jaiotetxea aurkituko baitugu.

2. aukera

Itsaso zalea bazara eta abentura gogoko baduzu, Pasaiaz beste era batean gozatzeko gonbita egiten dizugu. Igo zaitez Mater museo-barkura eta benetako marinel sentituko zara: arrantzontzi tradizional batek eskaintzen duen perspektiba bakana bizi ahal izango duzu.

Benetako arrantzontzi batean, esperientzia luzeko arrantzale batek gure barkuetan praktikatzen diren arrantza teknika iraunkorren berri emango dizu. Argi geratuko da ingurumena zaintzearen garrantzia. Gainera, kirol arrantza praktikatzeko aukera ere izan dezakezu, erantzukizunez, barkutik bertatik.

Behin portura heldurik, are gozoagoa izango zaizu bazkaria arrainontziaren gainaldean, Pasaiako portuko zeregin geldiezinak begien aurrean dituzula.

Arratsaldez, lehorreratu eta gero, bisita gidatu bat proposatzen dizugu Pasaiako hirigune historikora: itsas eta marinel zaporea nabarituko duzu txoko guztietan.

Erreserbatu


Kontaktua

Mater Museoa
61 postakutxa
20110 Pasaia (Gipuzkoa)

Tel.: (00 34) 619 814 225
Fax:(00 34) 943 49 08 31
 info@matermuseoa.com
www.matermuseoa.com

 

 

 

Datu interesgarriak

Iraupena: Egun bat.
Prezioa: Bisitaren arabera.
Gutxienezko taldea: Aldagarria denboraldiaren arabera.
Hizkuntzak: Gaztelera, euskara, frantsesa eta ingelesa  (italiera eta alemaniera hitzordua hartuz).
Noiz joan: Urte osoan zehar.
Oharra: Adin guztietarako.

 

Oarsoaldea

Errenteriako Turismo Bulegoa

Madalen kalea 3. 20100 Errenteria
0034 943 494 521

Laguntzaileak

 

Euskadi basque country Gipuzkoa Turismo

 

Eusko Jauralitza - Gobierno Vasco Explore San Sebastian region

Kontatu zure esperientzia eta web orrian jarriko dugu